Poemas na Ruta da Auga.

 

O 26 de setembro de 2010, os vecinos/as da parroquia e a xente que traballou no proxecto, celebraron a festa de inauguración da Ruta da Auga. Ese día en cada fonte e lavadoiro do roteiro, lucía unha taboíña con un poema do libro "Os eidos" de Uxío Novoneyra, que ademais fora ese ano o premiado das Letras Galegas.

A partir de aí, xurdíu esta actividade de "Poemas na Ruta da Auga", e todos os anos seguintes, ao amañecer do 17 de maio e ata rematar o mes, nas fontes e lavadoiros permanecen expostos poemas e textos en galego, achegados polos propios autores/as ou por outros particulares.

E costume colocar na fonte de Redemuiños algún texto da persoa premiada nas Letras Galegas ese ano, na fonte do Piollo un contiño infantil.

Ao longo de estes anos expuxéronse textos moi variados: poemas, relatos, novela, banda deseñada, testamentos, filosofía, cantigas, verba dos arxinas...

 

A viagem de Pancho Lapeña

De súbito aparece um saco azul de plástico
no vento.
O vento vai recolhendo os sacos azuis abandonados.
Vemo-los passar de vez em quando
movendo-se em forma de oito ou em espiral.

Descansam acima dos prados,
nos arames farpados
ou em árvores fruteiras
atraídos por esses pedaços de espelhos
que penduram das pólas.
Há milhons de sacos azuis a voarem no vento.
Se esperas um pouco nom tardará
em passar um.

A gente pensa que os sacos de plástico
voam sem rumo.
Todo o contrário, sempre vam cara a algures,
a morte.
Descobriu-no o mimetista Pancho Lapeña
que viajou vários anos atrás dum saco azul
no vento.

Agora Pancho Lapeña está sentado
nunha bombona de butano
e o saco azul de plástico descansa aos seus pés
entre umhas galiñas.
Quando voltar a soprar o vento porám-se em caminho.
Pola noite Pancho Lapeña foca o saco
com a lanterna que leva na fronte.
Quando dorme persegue o saco de sonho em sonho.
Os sacos azuis vazios voam
lentamente en direcçom á morte
como os elefantes aos seus cemitérios.

 

Muitos dos sacos que caem no mar
acaban nas gorjas das tartarugas.
E muitos corvos morrem com a cabeça dentro
de sacos de plástico abandonados.
Nom se sabe o que buscam aí dentro.

Os sacos son grandes predadores.
Pancho Lapeña gravou em vídeo
como um saco de plástico afogava um xílgaro
na beira dum río.

Durante a sua viagem, o saco azul
Tentou várias vezes
entrar na boca de Pancho Lapeña enquanto dormía.

De feito, por causa do estudo de Pancho Lapeña
sobre o comportamento dos sacos de plástico
famosos biólogos defendem que som seres vivos
e reclamam incluí-los
na familia dos invertebrados.

Há milhons de sacos azuis a voarem no vento.
Se esperas um pouco nom tardará
Em passar um.

 

 “Animais”
Sechu Sende