Colección Marques de Magallanes, Casa da Torre de Redondela
Durante o ano 2018 realizouse para o concello de Redondela a exposición permanente da louza de Sargadelos da Colección Marques de Magallanes. Coleccionista e filántropo, Adriano Marques de Magallanes conseguiu reunir durante toda a súa vida máis de 140 pezas da louza histórica de Sargadelos.
A significación das pezas de Sargadelos vai alén da propia imaxe ou o propio gozo da súa observación estética, son unha imaxe do seu tempo. A través delas tratamos de temas asociados directamente con elas e doutros tanxenciais que basculan sobre as súas tipoloxías e estética, nunha exposición divulgativa, amena e participativa.
